Edición en gallego.
Libro de historietas con 48 páginas interiores a color, encuadernado en cartoné, con guardas ilustradas, y cubiertas en color. Historieta parcialmente publicada en la primera época de la revista Golfiño (Edicións Xerais) en la que se narran las aventuras del arriero Teixuga durante la insurrección antinapoleónica, en la que las tropas británicas del general John Moore y el Ejército de Galicia se retiraron progresivamente hacia tierras gallegas dando lugar a la que sería conocida como la batalla de Elviña, a la entrada de la ciudad de la Coruña.
Descripción de la editorial:
Baixo o sobretítulo "Unha aventura de Teixugo" preséntase a primeira entrega da serie "Galicia nas Guerras Napoleónicas". Teixugo é un arrieiro galego que no Bierzo tropeza co exército inglés baténdose en retirada para A Coruña, coa cabalería francesa pisándolle os talóns. Ubícase ao lector no escenario histórico da ocupación francesa mediante uns textos de presentación e despois aborda con humor os feitos históricos que desembocaron na batalla de Elviña. Esta BD comezouse a publicar por entregas na primeira época da revista Golfiño e despois compilouse no formato clásico do cómic francobelga, ao estilo dos álbumes de Astérix ou Tintín.
Texto de contracubierta:
Nos derradeiros días do ano 1808 Sir John Moore, xefe das tropas expedicionarias británicas que operan na península, decide retirarse á Coruña e embarcar para Inglaterra ante a ameaza de Napoleón, que o persegue pola meseta á frente dun temible exército.
Teixugo, un arrieiro galego que anda nese momento por terras leonesas, dá de fociños con ambolos dous exércitos, o inimigo francés e o aliado británico que lle requisan respectivamente as mulas e o cargamento de sardiñas que transporta.
Ante tan ruinosa situación, Teixugo retorna a Galicia e únese ao abade da súa parroquia, capitán dunha partida de espontáneos guerrilleiros.
O abade ordena de contado recuperar mulas e sardiñas, pois a Igrexa ten, como se sabe, o dez por cento neses negocios. Mais forza tan cativa, aínda contando coa inestimable axuda de Deus, non é quen de se impor a exércitos tan potentes.
Finalmente, baixo o racional e ilustrado consello da súa tía, Teixugo e a súa cuadrilla recorren á astucia para recuperaren o roubado, chegando nesta aventura a se meter mesmo no fragor da batalla de Elviña.
