· 20-VII-2003
ALEX MORO, DAVID RUBÍN, FAUSTO, JACOBO FERNANDEZ, KIKO DA SILVA, LEANDRO, M. VILAR, MEIXIDE, MIGUEL ROBLEDO, NORBERTO FERNÁNDEZ, PINTO Y CHINTO, PRIMITIVO MARCOS, X. MARÍNEdición en gallego.
Cuaderno encolado con 12 páginas más cubiertas en color. Suplemento de historietas dirigido por Miguel Vázquez Freire, redacción de Isabel Soto, y con edición y dirección artística de Fausto C. Isorna. Rescate de la cabecera homónima, antes revista independiente y ahora editada como suplemento de historietas del diario La Voz de Galicia desde mayo de 2002.
Sección Cartas ó director:
Ola, lectores e lectoras: Isabel, a nosa secre, dime que non paran de chegar cartas pedindo a preinscrición no Club de Lectores. ¡Xa pasan de catrocentos os preinscritos! E ademais tamén teñen aumentado moito o número de cartas que recibimos semanalmente. Para evitar que continúen amoreándose na redacción, hoxe ides permitirme que abrevie aínda máis os meus comentarios, e vos dea a palabra ordenando as cartas e mensaxes recibidos por idade. Así que comezarei polas enviadas polos máis novos. De Raquel Portas, que é xa toda unha recuncante cos seus 8 anos, vén esta mensaxe: "Querido Golfiño: gústasme moito. Non teño presferencias, encántanme todos. Un bico, sobre todo a Fausto e a Norberto. Un bico, Golfi."
Nove anos teñen Arabia Garrido Vilas, de Bueu, e Olalla López Rodríguez, da Coruña. Curiosamente as dúas me propoñen o mesmo problema: teñen a colección completa de Golfiño agás un número, Arabia o 46 e Olalla o 4, e preguntan como poderían facer para conseguir o número que lles falta. Suxírovos, amigas, que esteades atentas ó inicio do salón do cómic da Coruña, Viñetas desde o Atlántico, e fagades por pasarvos por alí. Esperamos poder contar con números atrasados da revista na nosa caseta e así poderíades completar a colección.
Cristina Naveira Bellón, tamén da Coruña, ten 10 anos e pide un debuxo de Xiana asinado por Norberto e un de Leandro con Lucía Fernanda, Maurice e o vampiro. Ben, Cristina, sobre as peticións xa sabes que o que quedou dito nun número anterior, así que... a esperar e a ver se tes sorte.
Con 11 anos hai ata catro lectores que nos escriben. Aida Calo Pérez é de Xuño, no Barbanza, e ademáis de inscribirse no Club de Lectores cóntanos as súas preferencias: "Gústanme todos pero especialmente Fiz, Thom, Tito Longueirón, O Castelo Regadeira, Tonecho, Os Fdez e Golfiño e os invasores". Francisco Javier Gómez González, de Ribeira (¡tamén no Barbanza!), reivindica para sí o título de "ser o primeiro Golfiñés que pediu o Club de Leitores", agradécenos o esforzo que facemos por "cumprir todas as nosas peticións" e pídenos "un esforzo máis para facer unha xira, que a redacción de Golfiño vaia a cada auditorio, Casa da Cultura, salón de actos ou Concello das vilas e cidades galegas". Este chico é un turbillón de ideas e, si, xa nos gustaría poder cumprir sempre todas as vosas peticións pero, por desgracia, non sempre vai poder ser. Pero isto da xira... haberá que estudialo. Iván Aguión Regueiro, da Coruña, mándanos un debuxo e un "¡Sodes os mellores!" Por fin, Marta Novoa Fraga, de Burela, que tamén se inscribe no Club, despois de sinalar os seus favoritos —"o primeiro Os Biosbardos (anque son moi porcos), despois O Castelo Regadeira, e outro que me gusta son os Fdez"— manda saúdos para Uxía, Antía e Lúa do CEIP Virxe do Carme.
Doce anos ten Isabel Grueiro Acción, de Freixeiro (Narón), "Isabel a do coro", segundo ela mesma precisa, asegura ternos escrito antes pero sen que publicásemos a carta. Pídoche desculpas, Isabel. Os seus saúdos son para Cristina e Helena Otero e solicita debuxos e sinaturas dos debuxantes da revista (a ver se hai sorte, repito...) ademais de ser incluída na sección de contactos.
Ana Loureiro Pedreira, da Coruña, e Daniel Rodríguez Verde, de Boiro, teñen 13 anos. Ana, que se apunta ó Club de Lectores, índicanos os seus gustos: Fiz, Tito Longueirón, Archimboldo Roque, O Castelo Regadeira, A rúa Transilvania, Os Fdez, Thom e máis Tonecho. E isto é o que di Daniel: "Hoxe estou contento porque acabou o instituto e paso a 2º da ESO con dúas suspensas, pero paso. O que máis me gusta no mundo é debuxar e ler cómics, tamén ler Golfiño. O meu artista favorito e David Rubín e a miña música favorita e a de La Oreja de Van Gogh. Os meus debuxos favoritos son os de Sin Chan. Na casa teño todos os números de Golfiño, dúas mascotas, un can e 2 hámsters.
E para concluír, Alba Cid, de 14 anos e de Ourense, mándanos un debuxo e este poema, que ben merece cerrar esta sección hoxe.
Uns irán a praia,
outros a montaña
algúns de acampada,
outros durmirán en cabañas.
Países novos percorrerán
os máis aventureiros
e os que queden na casa,
soñarán con viaxes e cruceiros.
Pero eu coñezo
o mellor xeito de viaxar:
chámase Golfiño
e mil aventuras che fará soñar.
Desglose de contenidos.
0
0
